VISITA GUIADA "MULLERES DE COMPOSTELA"
Que vos parece visitar Santiago de Compostela a través das súas veciñas máis ilustres? Desafortunadamente os nomes das rúas, as estatuas ou os paneis informativos son un bocadiño escasos no tocante á presenza femenina en Compostela... mais EXISTEN e é importante visibilizalas, sobre todo se procuramos unha perspectiva de igualdade de xénero real e actualizada.
"Compostela, territorio das mulleres" é unha proposta da Concellaría de Igualdade, Desenvolvemento Económico e Turismo do Concello de Santiago, implicando aos sectores sociais e económicos de Compostela na construción da cidade que queremos: máis accesible, máis inclusiva e máis igualitaria.
O noso grao de area a esta iniciativa consiste en varias accións:
- Ofrecer unha visita guiada específica sobre "Mulleres en Compostela". Organizamos esta visita guiada de maneira permanente dentro das nosas visitas temáticas.
- Dar maior presenza ás historias, lendas, etc. nas que hai mulleres que tiveron un papel salientable que, lamentablemente, foi demasiadas veces esquecido.
- Usar como identificador nos puntos de encontro unha sella, un recipiente empregado para transportar auga das fontes ás casas, un traballo habitualmente realizado por mulleres.
Vivan as 2 Marías e 1000 grazas á Rosalía!
Datas e Horarios: grupos de máis de 5 persoas, data a combinar no intre de facer a reserva.
Prezo: 10 euros/persoa (imprescindible facer reserva).
Duración da visita: 110-120 minutos.
Punto de encontro: Praza da Quintana.
Accesibilidade: itinerario adaptado para personas con mobilidade reducida (distancia de 1'9 km no total, desnivel 26 metros).
SODES UN GRUPO ORGANIZADO E QUEREDES UNHA VISITA GUIADA PRIVADA?
Podemos adaptar horarios segundo a dispoñibilidade, partindo de que o prezo por persoa é de 10 € e que é preciso un mínimo de 5 persoas. Aconsellamos que os grupos non sexan de máis de 15 persoas. Para as visitas en galego, por cada 9 persoas ofrecemos unha praza extra de balde.